У Асіповічах аб’яўлены конкурс на лепшае навагодне-каляднае аздабленне арганізацый горада

Віншаваць з надыходам 2017 года яшчэ рана, але час бяжыць надзвычай хутка, не паспееш азірнуцца і… Таму райвыканкам загадзя і прыняў рашэнне аб правядзенні 15-23 снежня агляду на лепшае навагодне-каляднае аздабленне арганізацый горада.

Для вызначэння лепшых, узнагароды іх ва ўрачыстай абстаноўцы дыпломамі створана адпаведная камісія, якую даручана ўзначаліць намесніку старшыні райвыканкама Аляксандру Шаўлюгу. Спрачацца за перамогу будуць у трох групах: прадпрыемствы прамысловасці, жыллёва-камунальнай гаспадаркі і будаўніцтва; працоўныя калектывы транспарту, сувязі, гандлю і паслуг; установы культуры, аховы здароўя, фізкультуры, спорту і турызму.

Няхай жа паўсюль атрымаецца так, каб асіпаўчане і нашы госці адчулі сапраўднае свята!