Не так даўно ў Нацыянальным дзіцяча-аздараўленчым цэнтры “Зубраня” прайшоў ХII рэспубліканскі конкурс “Гуляюць дзеці — гуляем мы!”

Усяго было прадстаўлена каля 20 цікавых праектаў з розных куткоў нашай краіны, у тым ліку і Асіповіччыны. Педагогі дадатковай адукацыі раённага Цэнтра дзяцей і моладзі ўжо не першы раз прымаюць удзел у такіх спаборніцтвах і вяртаюцца адтуль з пераможнымі дыпломамі, як, між іншым, і сёлета. Праект “Вялікдзень”, падрыхтаваны Вікторыяй БЯкешка, Ганнай Бабчанок і Ганнай Смолка, заняў першае месца ў намінацыі “За прапаганду народных традыцый”. Па словах аўтараў, падчас такіх мерапрыемстваў не толькі ўдасканальваецца прафесійнае майстэрства ў арганізацыі вольнага часу дзяцей і падлеткаў, але і пашыраецца дыяпазон творчых зносін з калегамі, што таксама мае вялікае значэнне.