РАУС

Паступіла паведамленне аб крадзяжы акумулятарнай батарэі з неабсталяванага сігналізацыяй аўтамабіля “ВАЗ”, які знаходзіўся каля дома па зав. Чарняхоўскага. Устаноўлена асоба чалавека, які выкраў з пункта прыёму райста 50 кг каляровага металу і 800 рублёў: крадзеж здзейсніў непрацуючы раней судзімы 25-гадовы жыхар в. Лука.

РАСК

Неўстаноўленая асоба пашкодзіла помнік на могілках паблізу в. Смык.

Пракуратурай раёна ўзбуджана крымінальная справа ў дачыненні раней несудзімага пенсіянера, які з лістапада мінулага па красавік бягучага года сістэматычна збіваў сужыцельку.

5 лістапада несудзімы раней асіпаўчанін украў з незачыненага аўтамабіля аўтамагнітолу і відэарэгістратар.

Асіпаўчанін, што ўжо прыцягваўся да адміністрацыйнай адказнасці за кіраванне ў стане алкагольнага ап’янення транспартным сродкам і на 3 гады пазбаўлены права займацца дзейнасцю, звязанай з кіраваннем ТС, зноў нецвярозым сеў за руль аўтамабіля і перасоўваўся па вул. Юбілейнай.

ДАI

Папярэджана 106 парушэнняў правілаў дарожнага руху, прыцягнута да адказнасці 6 нецвярозых вадзіцеляў, за знаходжанне на праезнай частцы ў цёмны час сутак без святлоадбіваючых элементаў пакарана 12 пешаходаў і веласіпедыстаў. Адбылося 10 ДТЗ з матэрыяльным уронам.

Увага! Па 16 лістапада праводзіцца спецыяльнае комплекснае мерапрыемства “Пешаход”, накіраванае на прафілактыку парушэнняў правіл дарожнага руху яго пешымі ўдзельнікамі, а таксама выхаванне ў іх дысцыплінаваных, адказных паводзін на дарозе.

АУСТ

Узбуджана крымінальная справа па факце крадзяжу, складзена 9 матэрыялаў аб здарэннях і 81 адміністрацыйны пратакол. Суправоджана 70 цягнікоў, з іх знята 4 правапарушальнікі.

РАНС

Ноччу 4 лістапада агнём знішчаны дах, перакрыцце і маёмасць жылога дома па зав. Сацыялістычным.

IАЖіРС

Складзена 3 адміністрацыйныя пратаколы за парушэнне правілаў лесакарыстання, узбуджана крымінальная справа па факце незаконнай рыбалкі.