Асіповічы: хроніка здарэнняў

РАУС

Паступіла паведамленне ад пенсіянера аб тым, што пасля сумеснага распіцця спіртнога са знаёмай жанчынай знікла яго банкаўская карта, з разліковага рахунку якой было выкрадзена 100 рублёў. Устаноўлена асоба грамадзяніна, які 19 кастрычніка скраў тэлевізар у в. Брыцалавічы: гэта раней судзімы жыхар Гомеля.

РАСК

Затрымана ў адміністрацыйным парадку раней судзімая жыхарка в. Прудок: знаходзячыся ў гасцях у аднавяскоўца, яна выкрала мабільны тэлефон.

Двойчы судзімы грамадзянін, які адбывае пакаранне за раней здзейсненае злачынства, у сярэдзіне жніўня выкраў у асіпаўчаніна пакінутую без нагляду акустычную гітару.

Непрацуючы 22-гадовы мужчына скраў у пенсіянеркі кашалек з 46 рублямі. Частка выкрадзенага канфіскавана.

У ноч на 29 кастрычніка невядомая асоба на неахоўваемай стаянцы па вул. Чапаева выкрала з аўтамабіля “ДАФ”, які належыць украінскаму індывідуальнаму прадпрымальніку, 333 літры дызпаліва на суму 409 рублёў.

Асобай без пэўнага месца жыхарства з дачнага дома ў в. Заручэўе выкрадзена 1715 рублёў і бутэлька гарэлкі.

ДАI

Папярэджана 123 факты парушэння ПДР, прыцягнуты да адказнасці нецвярозы вадзіцель, 23 парушальнікі хуткаснага рэжыму, 21 пешаход без святлоадбіваючых элементаў. Адбылося 4 ДТЗ.

АУСТ

Распачата крымінальная справа, складзена 77 адміністрацыйных пратаколаў і 7 матэрыялаў аб здарэннях, суправоджана 184 цягнікі, з іх знята 20 правапарушальнікаў.

Дэпартамент аховы

Да адміністрацыйнай адказнасці за крадзеж і хуліганства прыцягнуты 2 асобы, 6 парушальнікаў ПДР, 4 грамадзяніны, што з’яўляліся ў грамадскіх месцах у нецвярозым выглядзе.

РАНС

У раёне працягваецца рэспубліканская акцыя “За бяспеку разам!”. Райаддзел нагадвае аб неабходнасці ўстаноўкі аўтаномных пажарных апавяшчальнікаў. Пры ўзнікненні пажару вызывайце службу выратавання па тэл.: 101, 112, 73-1-10.

IАЖіРС

Складзена 3 пратаколы па фактах незаконнай здабычы рыбы, 2 — парушэння правілаў лесакарыстання.