Сярод лепшых сельскіх аддзяленняў паштовай
сувязі раёна — цэльскія паштавікі.

Гэтае аддзяленне абслугоўвае мясцовых вяскоўцаў,
а таксама жыхароў ваеннага гарадка. У штаце — загадчык і паштальён, які
разносіць не толькі перыядычныя выданні, пісьмы, пераводы, пенсіі, але і тавары
прамысловай і прадуктовай груп. Сярод падпісчыкаў ёсць свае лідары: Алена
Дзічэнка, Валянціна Базарава і Віктар Барабаш выпісваюць па паўдзясятка і больш
газет і часопісаў.

Непасрэдна ў аддзяленні сувязі можна набыць
свежыя газеты і часопісы — толькі за студзень сёлета іх рэалізавана тут на 330
тысяч рублёў. Таксама наведвальнікі маюць магчымасць разлічыцца пластыкавай
карткай і зрабіць неабходныя камунальныя плацяжы.

Прыемна, што многія з цэльскіх падпісчыкаў не
забываюць аформіць абанемент і на “Асіповіцкі край”. Не забывайце,
паважаныя землякі, што падпіска на “раёнку” працягваецца!