РАУС

5 кастрычніка брыгадай хуткай меддапамогі дастаўлены ў бальніцу жыхар в. Забалацце: нецвярозы мужчына нанёс сам сабе рэзаную рану жывата. Паступіла паведамленне ад намесніка начальніка міжрайінспекцыі аховы жывёльнага і расліннага свету пра тое, што раніцай 7 кастрычніка ім затрыманы аўтамабіль, у якім без суправаджальных дакументаў перавозілася 522 кілаграмы карася, карпа і амура.

РАСК

У ноч на 3 чысло з крамы “Бярозка” выкрадзена выручка і цыгарэты на суму 4500 рублёў.

Распачата крымінальная справа ў дачыненні 25-гадовага раней судзімага асіпаўчаніна. Ён выкраў кашалёк з 468 рублямі ў жыхара Гомельскай вобласці, які п’яны знаходзіўся ў ноч на 30 верасня каля дома па вул. Iнтэрнацыянальнай.

У нецвярозым стане сеў за руль аўтамабіля мужчына, які раней ужо быў пазбаўлены права займацца дзейнасцю, звязанай з кіраваннем транспартнымі сродкамі.

8 кастрычніка аднавясковец у ходзе сваркі нанёс нажом жыхару в. Булгары цяжкія цялесныя пашкоджанні.

ДАI

Папярэджана 142 парушэнні правілаў дарожнага руху, прыцягнуты да адказнасці 24 ліхачы, 3 нецвярозыя вадзіцелі, за знаходжанне на праезнай частцы ў цёмны час сутак без святлоадбіваючых элементаў адзення пакараны 41 пешаход. Адбылося 5 ДТЗ з матэрыяльнымі стратамі.

ДАI нагадвае: Устаноўку зімовых шын, зыходзячы з іх канструктыўных асаблівасцяў, рэкамендавана ажыццяўляць, калі на працягу тыдня сярэднясутачная тэмпература паветра складае 5-7°С.

АУСТ

Складзена 70 адміністрацыйных пратаколаў і 14 матэрыялаў аб здарэннях, знойдзены 3 асобы, што знаходзіліся ў вышуку, суправоджана 74 цягнікі, з якіх знята 3 правапарушальнікі.

Дэпартамент аховы

Да адміністрацыйнай адказнасці прыцягнута 9 асоб, якія з’яўляліся ў грамадскіх месцах у нецвярозым вы-глядзе, 2 — што здзейснілі дробны крадзеж, 8 парушальнікаў ПДР.

Спецізалятар

Размешчана для працверажэння 37 чалавек, у тым ліку 7 сямейных скандалістаў і жанчына.

IАЖіРС

3 адміністрацыйныя пратаколы складзены за парушэнне правілаў рыбалоўства, 2 — за крадзеж сажалкавай рыбы.