“Інфармацыйныя тэхналогіі ў адукацыйным працэсе
і кіраўніцкай дзейнасці” — так называецца педагагічны
марафон, які стартаваў у канцы мінулага года і завяршыць сваё шэсце ў
красавіку.

Гэтая работа праводзіцца з мэтай папулярызацыі
выкарыстання сучасных інфармацыйных тэхналогій і стымулявання дзейнасці
агульнаадукацыйных устаноў па іх укараненні ў адукацыйны працэс і кіраўніцкую
дзейнасць, выяўлення таленавітых, творчых педагагічных работнікаў і стварэння
ўмоў для іх прафесійнай і асобаснай самарэалізацыі.

У рамках правядзення марафону паказваецца
выкарыстанне інфармацыйных тэхналогій на ўроках, факультатыўных занятках,
платных гуртках, пазакласных мерапрыемствах, класных гадзінах, у метадычнай
рабоце з настаўнікамі, правядзенні педсаветаў, у дзейнасці школьных бібліятэк і
сацыяльна-педагагічнай службы.

Выявілі жаданне ўдзельнічаць у прапанаваным
“спаборніцтве” амаль усе ўстановы адукацыі. На сёння камісія ўжо пабывала ў
гарадскіх СШ № 3, № 4 і гімназіі, таксама ў Лапіцкай, Цэльскай, Пратасевіцкай і
Ялізаўскай сярэдніх школах, у Осаўскім ВПК д/с- БШ.

Аб агульных выніках даведаемся ў пачатку мая.
Вопыт работы педагогаў, якія прынялі ўдзел у мерапрыемствах, мяркуецца занесці
ў раённы банк дадзеных “Адрасы эфектыўнага педагагіч-нага вопыту”. Аддзел
адукацыі райвыканкама будзе садзейнічаць шырокаму распаўсюджванню прадстаўленых
напрацовак, прапагандуючы іх на пасяджэннях метадычных аб’яднанняў, семі-нарах,
а таксама праз работу майстар-класаў.