РАУС

З 12 па 18 верасня ў рамках СМ “Мак” на двух прысядзібных участках асіпаўчан выяўлена і знішчана па 0,5 кг дзікарослых канопляў. Гаспадары сядзіб прыцягнуты да адміністрацыйнай адказнасці. Устаноўлена асоба мужчыны, які 8 жніўня скраў маёмасць з будоўлі на тэрыторыі вайсковай часці. Выяўлена месцазнаходжанне 3 грамадзян, што хаваліся ад суда і следства. 18 жніўня ў жыхара в. Лапічы канфіскаваны скрутак з рэчывам расліннага паходжання.

РАСК

Узбуджаны 2 крымінальныя справы ў дачыненні двух непрацуючых асіпаўчан, якія ў ліпені скралі з двара дома па  вул. Ленінскай чыгунныя гіры і іншую маёмасць.

23-гадовы раней судзімы жыхар райцэнтра ноччу 14 жніўня спрабаваў сагнаць аўтамабілі “ВАЗ” і “Фольксваген”, што стаялі ў дварах шматпавярховак па вул. Сумчанкі.

12 бутэлек гарэлкі выкраў з хаты пенсіянеркі непрацуючы раней судзімы мужчына. Частка выкрадзенага канфіскавана.

ДАI

Папярэджана 126 парушэнняў ПДР, прыцягнуты да адказнасці 3 нецвярозыя вадзіцелі, 39 ліхачоў, 11 пешаходаў. Адбылося 12 ДТЗ.

Увага! Па 29 верасня праходзіць комплекс мерапрыемстваў, накіраваных на папярэджанне ДТЗ з удзелам найменш абароненых катэгорый удзельнікаў дарожнага руху — пешаходаў, веласіпедыстаў, вадзіцеляў коннага транспарту. Згодна з ч. 1 арт. 18.23 КаАП адсутнасць святлоадбіваючых элементаў цягне папярэджанне або накладанне штрафу ў памеры ад 1 да 2 базавых велічынь; тое ж, здзейсненае ў стане алкагольнага ці наркатычнага ап’янення, — ад 3 да 5 БВ.

ДАI нагадвае: 22 верасня адзначаецца Сусветны дзень без аўтамабіля, які праводзіцца з мэтай прапаганды ідэі пешага і веласіпеднага спосабаў перамяшчэння і выкарыстання грамадскага транспарту.

АУСТ

Узбуджана крымінальная справа па факце крадзяжу грошай з карт-рахунку пры дапамозе банкаўскай карты. Устаноўлена месцазнаходжанне 2 грамадзян, якія былі ў вышуку. Складзена 20 матэрыялаў аб здарэннях і  65 адміністрацыйных пратаколаў. Суправоджаны 62 цягнікі, з іх знята 8 правапарушальнікаў.

IАЖіРС

Складзены 2 адміністрацыйныя пратаколы па фактах крадзяжу рыбы з сажалак “Рыбгаса”, па аднаму — за забруджванне вады, лесу, незаконную рыбалку, непадпарадкаванне законным патрабаванням супрацоўніка інспекцыі.