Мінулы год быў багатым на важныя падзеі. У
маладзёжным асяроддзі вялікі рэзананс мела праводзімая з 14 красавіка па 25 мая
Усебеларуская акцыя БРСМ і БРПА “Пытанне Прэзідэнту”. Нашы юнакі і дзяўчаты
таксама не засталіся ў баку ад агульнай справы: больш за сотню пытанняў было
накіравана з Асіповіччыны. Раз ёсць пытанне — існуе і адказ. З некаторымі з іх
знаёмім чытачоў “раёнкі”.

— Сёлета я заканчваю дзявяты клас* Красненскага
ВПК дзіцячы сад-базавая школа. Наша школа малакамплектная, таму мяне хвалюе яе
далейшы лёс, тым больш, што ў пачатковых класах вучыцца малодшы брат. (Кацярына
Савіна)

— Чаму ў школах уведзены дзелавы стыль адзен-ня,
а не адзіная школьная форма? (Хрысціна Бялова, СШ № 1, 11 клас)

— Ці плануецца ў будучым адзіны дзяржаўны
экзамен для вучняў агульна-адукацыйных школ і гімна-зій? (Таццяна Дамарад, СШ №
3, 9 клас)

— Па якой прычыне бу-дзе ўведзены экзамен па
замежнай мове? (Вікторыя Багдановіч, СШ № 3, 9 клас)

Адказвае
начальнік аддзела адукацыі Наталля Шаўчэнка:

— Закрыццё ДУА “Красненскі ВПК д/с-БШ” у
бліжэйшы час не плануецца.

— У адпаведнасці з пісьмом Міністэрства адукацыі
РБ № І-06-20/52 ад 19.03. 2009
г., № І-07-20/58 ад 21.03.2010 “Аб некаторых пытаннях,
вызначаючых патрабаванні да нашэння адзення дзелавога стылю вучнямі ў
агульнаадукацыйных установах”, у школах раёна ўведзены дзелавы стыль адзення.
На педагагічных саветах гэтае пытанне абмеркавана і прыняты рашэнні аб
абавязковым нашэнні ўсімі вучнямі адзення дзелавога стылю. Патрабаванні да
формы адзення школьнікаў замацаваны ва ўставах і правілах унутранага распарадку
ўстаноў адукацыі. Увядзенне адзінай школьнай формы нарматыўнымі дакументамі не
прадугледжана.

— Пытанне ўвядзення адзінага дзяржаўнага
экзамену для вучняў агульнаадукацыйных устаноў зараз не разглядаецца.

— З 1 верасня 2010 года ўнесены істотныя змены ў
парадак арганізацыі вывучэння замежнай мовы ва ўсіх тыпах агульнаадукацыйных
устаноў: павялічана колькасць вучэбных гадзін, адводзімых на вывучэнне мовы;
прадугледжана дзяленне класа на тры групы; прынята рашэнне аб увядзенні абавязковага
экзамену па замежнай мове на ўзроўні агульнай сярэдняй адукацыі, пачынаючы з
2012-2013 вучэбнага года. Мэта змяненняў — стварэнне спрыяльных умоў для
авалодвання школьнікамі вуснай мовай, падрыхтоўка іх да выкарыстання замежнай
мовы як сродку зносін.

— Ці будзе ў бліжэйшы час у г.Асіповічы
пабудавана новая бальніца? Існуючая ж не можа змясціць усіх, каму патрабуецца
медыцынская дапамога? (Таццяна Шафран, СШ № 1, 11 клас)

— Чаму ў медыцынскіх работнікаў такая нізкая
зарплата? (Ганна Лабасюк, СШ № 3, 11 клас)

Адказвае
галоўны ўрач установы аховы здароўя “Асіповіцкая ЦРБ” Яўгеній Цхаўрэбаў:

— Рашэнне аб будаўніцтве лячэбнага корпуса на
100 ложкаў у 2011 годзе ўжо прынята.

— На працягу 2010 года зарплата медработнікаў
неаднаразова павышалася, і на 01.12.2010 г. сярэдняя зарплата ўрачоў нашай ЦРБ
склала 2.003.333 рублі, сярэдняга медперсаналу — 1.117.737 рублёў.

— Ці будзе павялічаны тэрмін службы ў арміі да
двух гадоў? (Аляксандр Пуціла, Лапіцкая СШ)

— Я мару стаць афіцэрам пагранічных войскаў.
Якім чынам магу гэта зрабіць? Ці лічыцца гэтая прафесія зараз прэстыжнай?
(Максім Барсукоў, Жорнаўская СШ)

Адказвае
ваенны камісар Асіповіцкага раённага ваеннага камісарыята падпалкоўнік Мікалай
Гоман:

— Змяненне тэрмінаў службы ў бліжэйшы час не
плануецца.

— Афіцэр-пагранічнік — прафесія вельмі
ганаровая. Сутнасць яе заключаецца ў забеспячэнні нацыянальнай бяспекі краіны ў
пагранічнай прас-торы. Без высокага прафесіяналізму, патрыятызму, ідэалагічнай
падрыхтоўкі выканаць гэтую задачу не рэальна. Служба на граніцы была і ёсць
удзел моцных духам, мужных і смелых мужчын. Пагранічнікам можа стаць далёка не
кожны. Неабходна не толькі здаць выдатна экзамены, але таксама прайсці медыцынскае
і псіхалагічнае абследаванне. У мэтах удасканальвання кадравага забеспячэння
органаў па-гранслужбы Прэзідэнт краіны падпісаў Указ № 237, які прадугледжвае
стварэнне Інстытута пагранічнай службы Беларусі на базе пагранічнага факультэта
Ваеннай акадэміі Беларусі ў Мінску. Зараз падрыхтоўка курсантаў на пагранічным
факультэце Ваеннай акадэміі адбываецца па спецыяльнасцях: “Упраўленне
падраз-дзяленнямі органаў пагранічнай службы”, тэрмін навучання 5 гадоў і
“Ідэалагічная работа ў падраздзяленнях (органы пагранічнай службы)” — 4 гады.
Сярод іншых неабходных дакументаў паступаючыя сюды павінны прадставіць
сертыфікаты цэнтралізаванага тэсціравання па беларускай (рускай) мове,
матэматыцы і гісторыі Беларусі.

— Ці будзе ў нас у гора-дзе хуткасная чыгунка?
(Дзмітрый Перапяліца, СШ № 3, 5 клас)

— Ці ёсць фінансавая магчымасць паменшыць плату
за праезд вучням і студэнтам у перыяд навучання на 50%? (Кацярына Драко, Юлія
Абоева, Лілія Ждановіч, Асіповіцкі дзяржаўны прафесійна-тэхнічны каледж)

Адказвае
начальнік станцыі Асіповічы Віктар Ціхановіч:

— Беларускай чыгункай распрацавана і выконваецца
праграма павышэння хуткасцей руху паяздоў на ўсіх кірунках на працягу 5 гадоў.
У рамках яе плануецца закупка новых электравозаў, вагонаў, якія забяспечваюць
бяспеку і камфорт пасажыраў пры больш высокіх хуткасцях руху, пачынаецца
электрыфікацыя чыгуначнага пуці на кірунку Асіповічы-Жлобін-Гомель, на ўсіх
напрамках адбываецца капітальны рамонт пуцявой гаспадаркі.

— Пры карыстанні чыгуначным транспартам ільготы
даюцца асобам, якія ўваходзяць у пералік ільготнікаў, зацверджаных Законам “Аб
дзяржаўных сацыяльных ільготах, правах і гарантыях для асобных катэгорый
грама-дзян”. Асабістых сродкаў для ўстанаўлення і фінансавання льготных
перавозак Беларуская чыгунка не мае.

* Клас і
месца вучобы ўдзельнікаў указаны на момант правядзення акцыі “Пытанне Прэзідэнту”.