2011 год упэўнена крочыць па краіне. Усё,
звязанае з падрыхтоўкай і правядзеннем Новага года, адыходзіць у гісторыю, і
цяпер спакойна, без мітусні, можна зайсці ў любы магазін, каб набыць патрэбны
тавар.

Вынікі пераднавагодняга гандлю парадавалі многія
арганізацыі, якія ім займаюцца. Продаж шэрагу катэгорый тавараў перавысіў усе
чаканні. Так, тавараабарот ААТ “Гандаль” за апошнія 10 дзён снежня
склаў 1 мільярд 650 мільёнаў, райста — 891 мільён, у тым ліку 339 — за 29-31
чыслы, аддзел рабочага забеспячэння выручыў за такі ж перыяд прыкладна каля 491
мільёна рублёў. Што ж тычыцца “Еўрагандлю” — адной з буйнейшых
камерцыйных арганізацый у сферы гандлю, то напярэдадні свят там, вобразна
кажучы, яблыку не было дзе ўпасці. Які пераднавагодні тавараабарот? Па словах адміністрацыі
прадпрыемства, гэта — камерцыйная тайна, але ўсё ж некаторай інфармацыяй
кіраўніцтва з “раёнкай” падзялілася: у параўнанні з лістападам, у
снежні продаж многіх тавараў значна пайшоў уверх. Так, напрыклад, у два разы
вырасла рэалізацыя апельсінаў і лімонаў, у два з паловай — яблыкаў і
мандарынаў, аж у 8 разоў — ананасаў.

Ніна ВІКТОРЧЫК.