РАУС

У перыяд з 1 па 9 студзеня было ўзбуджана 6
крымінальных спраў, раскрыты 3 раней здзейсненыя злачынствы, выяўлена 6
крымінальных здарэнняў. З іх: крадзяжы — 4, самагонаварэнне і нанясенне
цялесных пашкоджанняў — па 1.

1 чысла ў ЦРБ дастаўлены 30-гадовы асіпаўчанін,
які празмерна натуральна імітаваў самазабойства падчас сваркі з бацькамі.
Наступствам бязглуздай “акцыі застрашэння” стала нажавое раненне жывата, у
выніку якога ў псеўдасамазабойцы быў сур’ёзна пашкоджаны кішэчнік.

7 студзеня хірургам давялося аказваць дапамогу
36-гадоваму мужчыне, шпіталізаванаму з пашкоджаннем грудной клеткі. На
пацярпелага з нажом напаў знаёмы, які прыраўнаваў яго да сваёй сужыцелькі.

Вядзецца праверка абставін раптоўнай смерці
31-гадовага жыхара вёскі Лучыцы і 44-гадовай асіпаўчанкі.

ДАI

Спынена 163 парушэнні правілаў дарожнага руху.
Прыцягнута да адказнасці 8 п’яных вадзіцеляў і 1 пешаход, які не меў
святлоадбіваючых элементаў на адзенні. Адбылося 7 ДТЗ.

8 студзеня на шашы Асіповічы-Свіслач пры
праездзе скруглення дарогі каля вёскі Орча аўтамабіль “Сеат” страціў кіруемасць
і ўрэзаўся ў агароджу праезнай часткі. Прычына аварыі — устаноўка на заднія
колы машыны шын з “лысым” пратэктарам.

Узбуджана крымінальная справа па факце транспартнага
здарэння, што адбылося 29 снежня 2010 года на шашы Мінск-Гомель каля пасёлка
Татарка. Вадзіцель грузавога аўтамабіля МАН па невядомай пакуль прычыне выехаў
на сустрэчную паласу руху і паслядоўна ўрэзаўся ў 3 грузавікі МАЗ і ГАЗэль. У
выніку аўтакатастрофы адзін кіроўца загінуў, другі атрымаў цялесныя
пашко-джанні. Сам жа віноўнік групавога сутыкнення не атрымаў ніводнай драпіны.

АДАI нагадвае, што на працягу 2011 года ў краіне
будзе рэалізоўвацца праграма “Узаемаразуменне”. Яе мэта — стварэнне ўмоў для
максімальнай абароненасці вадзіцеляў і пешаходаў і барацьба з агрэсіўнымі
паводзінамі ўдзельнікаў дарожнага руху.

АУСТ

Затрымана 73 правапарушальнікі, суправоджаны 261
цягнік.

Медвыцвярэзнік

З вуліц горада дастаўлена для працверажэння 28
мужчын і 4 жанчыны, з іх патрульна-паставой службай — 29.

РАНС

З-за парушэння правілаў карыстання пячным
ацяпленнем — перагрэву дымаходаў — загарэліся жылы дом у вёсцы Дуброва і лазня
ў Дрычыне. Узгаданыя пажары адбыліся адпаведна 6 і 8 студзеня.

IАЖіРС

Затрыманы 1 парушальнік правілаў палявання.
Доўгая пагоня за яго “калегам” аказалася няўдалай — браканьер усё ж здолеў
уцячы. Каб хутчэй бегчы, апошняму прыйшлося кінуць зброю і іншы паляўнічы
рыштунак.