Асіповічы: хроніка здарэнняў

5 июля 2016 16:31

РАУС

З 27 чэрвеня па 3 ліпеня ў ходзе спецыяльнай праграмы “Мак” выяўлена і знішчана звыш 24 кг дзікарослых канопляў.

Неўстаноўленая асоба ў перыяд з 29 чэрвеня па 2 ліпеня з 83 км трасы “Мінск-Гомель” недалёка ад пас. Сасновы выкрала 3 металічныя адбойнікі агульнай даўжынёй 12 метраў, якія належаць ДЭУ-73.

Супрацоўнікамі АБЭЗ у ходзе праверкі мадэрнізіруемага аб’екта ў аг. Забалацце ўстаноўлены факт завышэння аб’ёмаў выкананых работ падрадчыкам і субпадрадчыкам на суму звыш 10 тысяч рублёў, шкода цалкам кампенсавана; у ходзе аператыўнага суправаджэння дзяржзакупак адной з вайсковых часцей устаноўлена, што службовымі асобамі арганізацыі-пастаўшчыка ў перыяд выканання абавязацельстваў па дагаворах тройчы завышаны кошт паслуг па абслугоўванні сістэмы аўтаматычнай пажарнай сігналізацыі, чым нанесена шкода дзяржаве на суму каля 3 тысяч рублёў.

РАСК

Распачата крымінальная справа ў дачыненні двух асіпаўчан, якія, знаходзячыся ў в. Замошша, узялі ключ ад аўтамабіля ў спячага гаспадара і ўгналі машыну без мэты крадзяжу.

З казармы вайсковай часці неўстаноўленай асобай выкрадзены кабель, провад і металічны рукаў на суму каля 300 рублёў.

27 чэрвеня жыхарка райцэнтра ў ходзе сваркі нажом нанесла сужыцелю раненне ў сэрца.

Супрацоўнікамі АНіСГЛ затрыманы жыхар в. Зборск, у якога канфіскаваны палімерны пакет з чатырма тампонамі, прамочанымі ацэтыляваным опіем масай 0,1131 г.

АУСТ

Зарэгістравана 15 матэрыялаў аб здарэннях, складзена 55 адміністрацыйных пратаколаў, суправоджана 116 цягнікоў, з іх знята 5 правапарушальнікаў. У спецізалятар дастаўлены 1 грамадзянін.