Асіповічы: коратка аб розным
Ва ўпраўленнI па працы, занятасцI I сацабароне райвыканкама паведамілі, што за мінулы і сёлетні год прынята 127 рашэнняў аб назначэнні сямейнага капіталу. 115 сямей ужо адкрылі дэпазітныя рахункі. Статус мнагадзетнай сям’і сёлета атрымалі яшчэ 43 «ячэйкі грамадства».
У самым буйным гандлёвым цэнтры раёна «СIцI Мол» нядаўна адчынілася дзіцячая гульнявая пляцоўка, якая функцыянуе ў рэжыме самаабслугоўвання. Адміністрацыя спадзяецца, што бацькі ацэняць такі падарунак дзецям і будуць старацца сачыць за падтрыманнем абсталявання ў належным стане.
Басейн, якI размешчаны ў райцэнтры фIзпадрыхтоўкI, з 6 чэрвеня зачынены на прафілактычны рамонт. Аматары плавання змогуць займацца любімай справай на гарадскім пляжы.
ДРБУ № 199 за студзень-май выраблена 2.585 тон асфальтабетону, зроблены ямачны рамонт 9.568 м2 дарог, вырублена 13.358 м2 хмызняку, 1.306 дрэў, абкошана 269 км дарожных абочын і 101 км адхонаў.
Ветэранская арганIзацыя ЦРБ наведала гаючую крыніцу і храм у гонар іконы Божай Маці «Жываносная крыніца». Медыкі пазнаёміліся з гісторыяй святога месца, паўдзельнічалі ў духоўнай гутарцы.
У сектары па ўпраўленнI дзяржмаёмасцю, прыватызацыI I прадпрымальнIцтву райвыканкама нагадалі, што працэс прыватызацыі жылля заканчваецца ў краіне 1 ліпеня. У раёне пакуль налічваецца каля 460 непрыватызаваных кватэр.
Працягваецца падпIска на II паўгоддзе на перыёдыку. Iндывідуальным і ведамасным падпісчыкам неабходна паспяшацца: працягнецца яна толькі па 24 чэрвеня!
ВучнI ДзIцячай школы мастацтваў № 2 паспяхова выступілі на III Рэспубліканскім фестывалі-конкурсе дзіцячага мастацтва «ЛьВенок» (Лідскі вянок). Вакальны ансамбль «Iскаркі» атрымаў Дыплом I ступені, Марыя Драбудзька — III ступені, а Паліна Пракапенка — фіналіста. Усіх іх падрыхтавала Любоў Пірагова. З Дыпломам фіналіста вярнулася з фэсту і Юліяна Корж — навучэнка Вольгі Давідовіч.
У раённай газеты зарэгістраваны 1500-ты сябар у сацыяльнай сетцы «ВКонтакте». Гэта Таццяна Клунко.
