РАУС

Зафіксавана парушэнне антыалкагольнага заканадаўства, канфіскаваны самагонны апарат, 6 літраў самагону і 40 брагі. Паступіла 2 заявы ад жыхарак райцэнтра, якіх збілі мужы, і 4 — пра крадзяжы маёмасці, у тым ліку з аўтамабіляў. 1 мая ў ЦРБ дастаўлены мужчына, якому пасля сумеснага распіцця спіртнога нажавыя раненні нанесла сужыцелька, і нецвярозая жанчына, збітая братам.

РАСК

2 справы заведзены супраць дырэктара прыватнага будпрадпрыемства, які ўнёс загадзя лжывыя звесткі аб налічэнні зарплаты ў даведкі для атрымання банкаўскага крэдыту. Яго атрымалі дзве асіпаўчанкі на персанальныя патрэбы ў памеры звыш 41 і 39 млн рублёў.

Распачата крымінальная справа ў дачыненні 9-класніка, які знаходзіцца на ўліку ў IСН. У лютым ён падбухторваў навучэнца каледжа да здзяйснення хуліганства супраць непаўналетняга.

Непрацуючы 24-гадовы асіпаўчанін размясціў у сацыяльнай сетцы матэрыялы парнаграфічнага характару.

ДАI

Папярэджана 100 парушэнняў правілаў дарожнага руху, прыцягнуты да адказнасці 7 нецвярозых вадзіцеляў, 13 парушальнікаў хуткаснага рэжыму, 11 пешаходаў, што знаходзіліся на дарогах у цёмны час сутак без святлоадбівальных элементаў. Адбылося 11 ДТЗ.

Дэпартамент аховы

Да адміністрацыйнай адказнасці прыцягнута 3 чалавекі, што з’яўляліся ў грамадскіх месцах у нецвярозым выглядзе, па 1 — за дробныя крадзеж і хуліганства.

Спецізалятар

Для працверажэння дастаўлена 35 чалавек, у тым ліку 5 жанчын, 4 сямейныя скандалісты і іншагародні грамадзянін.

РАНС

28 красавіка з-за парушэння правілаў устройства пячнога ацяплення адбыўся пажар лазні ў в. Ручай Лапіцкага сельсавета. 1 мая агнём пашкоджаны дах і веранда жылога дома ў в. Вялікая Грава.

IАЖіРС

Складзена 3 адміністрацыйныя пратаколы за незаконнае лесакарыстанне і 1 — за здабычу рыбы. Узбуджана крымінальная справа па паўторнаму на працягу года факце парушэння правілаў рыбнай лоўлі.