«За бяспеку разам» —
пад такой назвай па 29 красавіка праходзіць рэспубліканская акцыя, накіраваная на павышэнне ўзроўню бяспекі насельніцтва, актывізацыю пажарна-прафілактычнай работы, аналіз яе эфектыўнасці і ацэнку гатоўнасці тэрыторый да вяснова-летняга пажаранебяспечнага перыяду.
Намаганні ўдзельнікаў акцыі накіраваны на зніжэнне колькасці пажараў, якія адбываюцца па прычыне невыканання грамадзянамі правілаў пажарнай бяспекі ў жылых будынках і збудаваннях, павышэнне інфармаванасці насельніцтва аб магчымасцях дзяржарганізацый па аказанні паслуг па забеспячэнні іх бяспекі, умацаванне правапарадку, папярэджанне правапарушэнняў, учыненых грамадзянамі, якія знаходзяцца ў стане алкагольнага ап’янення. У яе ходзе наведваюцца адзінокія і адзінока пражываючыя састарэлыя грамадзяне і інваліды, сем’і, у якіх дзеці знаходзяцца ў сацыяльна-небяспечным станові-шчы, праходзяць сумесныя рэйды па праверцы супрацьпажарнага стану месцаў агульнага карыстання ў шматкватэрных жылых дамах і г.д. Жыхары Асіповіччыны ў перыяд правя-дзення акцыі могуць звярнуцца ў райаддзел па надзвычайных сітуацыях для правядзення абследавання супрацьпажарнага стану жылля.
