Дбайныя гаспадары заўсёды пасля зімовай “спячкі” наводзяць навокал парадак, і другі вясенні месяц для гэтых мэтаў — сама тое. Многія, канечне, добраўпарадкаванне прылягаючай да сядзіб і вытворчасці тэрыторый трымаюць пад увагай пастаянна, але яшчэ раз агледзецца і давесці ўсё да ладу не перашкаджае ніколі. Таму і прынятае днямі райвыканкамам рашэнне наконт правядзення 9 красавіка суботніка цалкам зразумелае: прывесці ў належны стан нашы гісторыка-культурныя каштоўнасці, пахаванні часоў Вялікай Айчыннай вайны і населеныя пункты, падрыхтаваць дзіцячыя аздараўленчыя лагеры да летняга сезона — ці мала месцаў, якія чакаюць прыкладання нашых рук?

У гэту ж суботу ў Беларусі, дарэчы, наогул запланавана правядзенне штогадовай міжнароднай акцыі па ўборцы несанкцыянаваных звалак адходаў “Зробім”.