РАУС

У перыяд з 25 па 31 студзеня паступіла 3 заявы аб крадзяжы маёмасці.

26 студзеня супрацоўнікамі АНіСГЛ затрыманы раней судзімы асіпаўчанін, у якога канфіскавана 0,5296 г марыхуаны. У той жа дзень на тэрыторыі ўстановы “Маяк” затрыманы работнік па падазрэнні ў знаходжанні на працоўным месцы ў стане наркатычнага ап’янення. 31 студзеня з філіяла “Белшына-Агра” ААТ “Белшына” паступіла паведамленне аб падзяжы 22 цялят месячнага ўзросту. Абставіны здарэння ўстанаўліваюцца.

РАСК

Узбуджана 15 крымінальных спраў, 2 з іх — па крадзяжах з аўтамабіляў.

6 каналізацыйных люкаў і 4 кольцы да іх на суму каля 4 млн руб. выкраў 20 кастрычніка з кацельні АСВК “Калгас “Авангард” раней судзімы вартаўнік.

7 студзеня беспрацоўны мужчына ў стане алкагольнага ап’янення пагражаў забойствам жонцы.

Жыхарка аг. Лапічы шляхам падбору ключа двойчы пранікала ў склепы аднавяскоўцаў і крала кансервы. Частка прадуктаў канфіскавана.

ДАI

Папярэджана 75 правапарушэнняў дарожнага руху, прыцягнута да адказнасці 17 пешаходаў, па 6 нецвярозых вадзіцеляў і што не прытрымліваліся хуткаснага рэжыму. Адбылося 8 ДТЗ.

Спецізалятар

41 грамадзянін размешчаны для працверажэння, у тым ліку 7 сямейных скандалістаў, 10 жанчын, 4 іншагароднія, пенсіянер і 6 асоб, што здзейснілі дробнае хуліганства.

АУСТ

Зарэгістравана 21 здарэнне, складзена 59 адміністрацыйных пратаколаў, узбуджана крымінальная справа па крадзяжы, устаноўлена месцазнаходжанне грамадзяніна, які быў у вышуку. Суправоджана 66 цягнікоў, з якіх знята 5 правапарушальнікаў.

Дэпартамент аховы

У спецізалятар дастаўлена 7 нецвярозых грамадзян. Да адміністрацыйнай адказнасці прыцягнута 4 парушальнікі ПДР, 2 асобы, што здзейснілі дробны крадзеж і дробнае хуліганства.

IАЖіРС

Складзена 3 пратаколы па фактах ажыццяўлення незаконнага палявання.