ВынIкI VII конкурсу на лепшую агра-сядзIбу падвялі ў Магілёўскай вобласці, і ў намінацыі «Лепшы старт» пераможцай стала сядзіба «Каменная горка» з вёскі Свіслач. А яшчэ сёлета ўведзена дадатковая прэмія «Залаты фонд аграэкатурызму» — і яе ўдастоены 13-гадовы сын гаспадароў нашай сядзібы-прызёра Міша Мірончык. Натуральна, пераможцы адзначаны ўзнагародамі.

Раённы вузел паштовай сувязI аказвае паслугу для насельніцтва «Віншаванне Дзеда Мароза», якая ў пераднавагоднія дні вы-клікае цікавасць наведвальнікаў. Ужо заказана каля 70 пісем ад ляснога чараўніка і столькі ж святочных камплектаў з мяккай цацкай-падушкай. Да свята ў аддзяленнях сувязі рэалізуецца 48 найменняў навагодняй прадукцыі: ёлачныя цацкі, каралі, мішура, гірлянды, сімвал года — малпа і г.д.

Прайшоў раённы чэмпIянат па інтэлектуальных гульнях сярод піянерскіх дружын «Што? Дзе? Калі?». Дыплом I ступені ўручаны камандзе гімназіі, другое месца занялі цэльскія знатакі, на трэцяй прыступцы — вучні Пратасевіцкай СШ.

У дзIцячым санаторыI «СвIслач» за год прайшлі аздараўленне 3.695 хлопчыкаў і дзяўчынак. З іх 966 — інваліды ў суправаджэнні дарослых, а 209 дзяцей — у складзе спартыўнага лагера.

АДУКВП «РайсэрвIс» сведчыць: горад прыбраны і гатовы сустрэць 2016 год. Устаноўлены і ўпрыгожаны 4 ёлкі. У парку на паўднёвым баку райцэнтра лясная прыгажуня сёлета мае асабліва ўрачыстае аздабленне — набыта новае абсталяванне. Да канца навагодне-калядных свят гараджане і госці вечарам і раніцай змогуць любавацца святочнай ілюмінацыяй.

У ААТ «Гандаль» снежаньскія дні маюць салодкі прысмак: набываюцца цукеркі да свята. Напрыклад, райаддзел адукацыі, спорту і турызму закупіў для дзяцей ласункаў на 200 млн рублёў, СШ № 3 — каля 500 падарункаў, на 2 сотні больш — іншыя арганізацыі. У асартыменце амаль 50 гатункаў цукерак, іх пераважная большасць —  айчынная прадукцыя.

23-25 снежня жыхары ВязаўнIцы, Карытнага, ЛIпеня, СвIслачы, ЖорнаўкI, Краснага I ЯлIзава змогуць наведаць тэматычныя забаўляльныя праграмы, прысвечаныя самаму любімаму ў народзе святу. А тым, хто хоча ўпрыгожыць яліну сваімі рукамі, будзе карысна пабываць на выставе навагодніх цацак у раённым Цэнтры народных рамёстваў.

У аддзяленнI хуткай меддапамогI працуюць 2 урачы, 20 фельчараў і 15 вадзіцеляў. На начным пасту, размешчаным у пас. Ялізава, медыцынскую дапамогу аказваюць 2 фельчары. За лістапад 4 брыгады медработнікаў на 6 спецыялізаваных аўтамабілях выязджалі па выкліках хворых 1.126 разоў.