Асіпаўчане! Заўтра — раённы суботнік
Да навагодне-калядных дзён часу ўсё меней, а да ўрачыстых падзей, як вядзецца, кожны руплівы гаспадар стараецца падрыхтавацца добра. Толькі вясёлыя карагоды з Дзедам Марозам і Снягуркай вакол лясной прыгажуні — далёка не галоўнае: святы праходзяць, а будзённасць застаецца…
У апошні час і гаспадары прыватных сядзіб, і працоўныя калектывы нямала зрабілі для таго, каб навесці на зямлі належны парадак. Але — не ўсё магчымае, таму райвыканкамам днямі і прынята рашэнне аб правя-дзенні 19 снежня раённага суботніка.
Аб’екты, дзе і што будзем рабіць раённым штабам пад началам намесніка старшыні райвыканкама Сяргея Семянцова, вызначаны, на прадпрыемствах, у арганізацыях і ўстановах рабочыя групы па правядзенні суботніка створаны, асноўныя арганізацыйныя моманты вырашаны — усё, да сустрэчы на працоўных месцах!
Ці стане хто аспрэчваць, што жыць ва ўмовах, якія радуюць, прыемней? Дык і давайце заўсёды падтрымліваць вакол сябе парадак!
