Бяспека ў Асіповічах — найперш

У чаканні навагодніх забаў многія пачынаюць актыўна набываць піратэхнічныя вырабы, і РАУС нагадвае: тым, хто незаконна гандлюе піратэхнікай, пагражае адміністрацыйная адказнасць і штраф да 3, калі ж адзначаны яшчэ і факт незаконнай прадпрымальніцкай дзейнасці — ад 10 да 15 базавых велічынь. Рэалізацыя піратэхнічных вырабаў дзецям да 15 гадоў без наяўнасці асартыментнага пераліку кваліфікуецца па ч. 1 ст. 12.17 КаАП. Не забывайце, што нават законна набытай піратэхнікай карыстацца трэба асцярожна: выбух петардай паблізу людзей з’яўляецца дробным хуліганствам, а гэта — адміністрацыйны арышт або штраф ад 2 да 30 БВ. Калі выкарыстанне піратэхнікі пацягнула цяжкае або менш цяжкае цялеснае пашкоджанне, для вінаватага наступіць крымінальная адказнасць. Непаўналетнім нельга ўжываць піратэхнічныя вырабы: дзіця, што парушыць забарону, будзе пастаўлена на прафілактычны ўлік у IСН, а яго бацькі заплацяць немалы штраф.

Беражыце сябе і блізкіх, памятайце пра бяспеку — і тады святы і будні будуць дарыць толькі радасць!