РАУС

У перыяд з 7 па 13 снежня ў сувязі з устанаўленнем месцазнаходжання спынены вышук 4 асоб. Зафіксавана 4 выпадкі парушэння антыалкагольнага заканадаўства і канфіскаваны самагонны апарат, 0,5 л самагону і 270 — брагі. Праводзяцца праверкі па 5 паведамленнях аб крадзяжах. Двое невядомыя, падобныя на цыганоў, прадалі 82-гадовай асіпаўчанцы 2 наборы сталовага посуду за 7 млн рублёў. Супрацоўнікамі АБЭЗ у гандлёвым цэнтры “Магніт” выяўлены факт захоўвання і рэалізацыі абутку без таваратранспартных накладных. Тавар на суму звыш 37 млн канфіскаваны, матэрыял праверкі накіраваны ў падатковую інспекцыю. У краме райста ў п. Сасновы канфіскавана 8 л алкагольнай прадукцыі са скончаным тэрмінам прыдатнасці. У парку імя 50-годдзя УЛКСМ пашкоджаны 10 ліхтароў.

РАСК

11 снежня супрацоўнікамі аддзялення па НіСГЛ у беспрацоўнага жыхара п. Ялізава знойдзены экстракцыйны опій масай 0,0179 г у пераліку на сухі астатак. Узбуджана крымінальная справа і ў дачыненні грамадзяніна, які ў пад’ездзе дома па вул. Леніна ў пасёлку збыў мясцоваму жыхару 0,30 г амфетаміну.

ДАI

Папярэджана 184 парушэнні правілаў дарожнага руху, да адказнасці прыцягнуты нецвярозы вадзіцель, 48 ліхачоў, 16 пешаходаў. Адбылося 5 ДТЗ.

13 снежня каля 20 гадзін 30 хвілін у в. Каўгары жыхар в. Птушычы на матацыкле “IЖ” наехаў на жанчыну, пазначаную святлоадбіваючым элементам. Пацярпелая з траўмамі шпіталізавана.

Увага! 18 снежня пройдзе рэспубліканскі Адзіны дзень бяспекі дарожнага руху “Паважаючы Iншых — паважаеш сябе!”. Па 22 снежня праводзіцца спецыяльная аперацыя “Пешаход”.

АУСТ

Узбуджана крымінальная справа па крадзяжы, складзена 172 адміністрацыйныя пратаколы, знойдзена 3 асобы, што знаходзіліся ў вышуку, у спецізалятар дастаўлена 7 чалавек, канфіскавана 2,25 л пратэрмінаванага алкаголю. Суправоджана 70 цягнікоў, з якіх знята 7 правапарушальнікаў.

Увага! З 16 па 20 снежня пройдзе спецыяльны комплекс мерапрыемстваў “Прыгарадны цягнік”.

“Прамая лінія” з начальнікам АУСТ Сяргеем Рогалем — 17 снежня з 11 да 13 гадзін па телефоне 6-25-46.

Спецізалятар

Размешчана 33 чалавекі, у тым ліку 8 жанчын і 9 сямейных скандалістаў.

IАЖіРС

За парушэнне правілаў рыбалоўства складзена 2 адміністрацыйныя пратаколы, 1 — лесакарыстання.