РАУС

У перыяд з 23 па 29 лістапада ў сувязі з устанаўленнем месцазнаходжання спынены вышук пяці асоб, што ўхіляліся ад выплаты доўгу, зафіксавана 4 факты парушэння антыалкагольнага заканадаўства і канфіскавана 4,5 літра самагону і 30 — брагі. Выяўлена 2 трупы без бачных прыкмет гвалтоўнай смерці. Пры правядзенні земляных работ на пустках каля вул. Юбілейнай і Крыловіча выяўлена 2 артылерыйскія снарады часоў вайны.

РАСК

Узбуджана 17 крымінальных спраў, з якіх 10 тычацца крадзяжоў маёмасці, 2 — ухілення ад адбыцця пакарання.

Супрацоўнікамі аддзялення па НіСГЛ затрыманы асіпаўчане, якія захоў-валі 0,13 г асабліва небяспечнага наркасродку і 28,76 г марыхуаны.

8 патронаў незаконна захоўваў у дачным доме свайго знаёмага ў в. Ялцоўка непрацуючы жыхар райцэнтра.

27 лістапада неўстаноўленая асоба пашкодзіла 2 помнікі на мемарыяльным комплексе “Алея Герояў”.

Узбуджана справа ў дачыненні двух 18-гадовых асіпаўчан, якія 14 лістапада з хуліганскіх намераў пашкодзілі агароджу на вул. Чарняхоўскага.

ДАI

Папярэджана 136 парушэнняў ПДР, прыцягнута да адказнасці 28 ліхачоў, 2 нецвярозыя вадзіцелі, за знаходжанне на праезнай частцы без святлоадбіваючых элементаў адзення пакараны 10 пешаходаў. Адбылося 21 ДТЗ, большая частка з іх — па прычыне выкарыстоўвання летніх шын у зімні перыяд.

Днём 24 лістапада вадзіцель аўтамабіля “Пе-жо” каля в. Паташня не справіўся з кіраваннем, выехаў на абочыну і сутыкнуўся з дрэвам. Вадзіцель і пасажыр шпіталізаваны.

Раніцай 29 лістапада на 15 км аўтадарогі “Мінск-Гомель” вадзіцель “ВАЗ” не ўлічыў умовы надвор’я, не абраў бяспечную хуткасць руху і наехаў на металічны адбойнік. Пасажырка, якая сур’ёзна пацярпела ў ДТЗ, дастаўлена ў рэанімацыйнае аддзяленне бальніцы.

Спецізалятар

Размешчана 34 чалавекі, у тым ліку 4 жанчыны, 1 іншагародні, 7 сямейных скандалістаў, 2 грамадзян, што здзейснілі дробнае хуліганства.

РАНС

У выніку пажару, які здарыўся 28 лістапада ў  аг. Ліпень, пашкоджаны кроквенная сістэма і перакрыцце лазні.

IАЖіРС

6 адміністрацыйных пратаколаў складзена за парушэнне правілаў палявання, 2 — лесакарыстання, 1 — непадпарадкоўванне законным патрабаванням службовай асобы.