Асіпаўчане, а вы падрыхтавалі зімовы абутак?

16 гадоў працуе аўтаслесарам і механікам ДТСААФ Анатоль Патапейка. Увесь аўтапарк арганізацыі, — а гэта 7 машын — знаходзіцца на яго абслугоўванні. «Трэба выпускаць на лінію аўтамабіль у належным стане, — лічыць Анатоль Сцяпанавіч, — каб пачынаючыя вадзіцелі добра авалодвалі навукай кіравання і не ведалі праблем з тэхнікай».

Сам шмат гадоў круціць баранку ўласнага аўто, калісьці працаваў вадзі-целем у далёкай Сібіры, пабываў у Калінінградзе і на Сахаліне, але вырашыў, што найлепшыя мясціны — родныя Асіповічы. Сюды вярнуўся, звіў гняздо і шчаслівы.

Работы ў майстэрні заўсёды хапае, зараз жа наогул гарачая пара — ідзе пераабуўка ў зімовыя шыны.

«Да зімы гатовыя!» — рапартуе Патапейка. А значыць, ніякае надвор’е не страшнае.