РАУС

У перыяд з 9 па 15 лістапада зафіксавана 3 выпадкі парушэння антыалкагольнага заканадаўства, канфіскавана 1,5 літра самагону. У сувязі з усталяваннем месцазнаходжання спынены вышук зніклай без вестак 32-гадовай жанчыны. У ЦРБ дастаўлены мужчына пасля спробы суіцыду шляхам павешання. Увечары 14 лістапада невядомыя зламалі 3 пралёты бетоннай агароджы па вул. Чарняхоўскага — па факце праводзіцца праверка.

РАСК

Распачата справа ў дачыненні асіпаўчаніна. 7 лістапада ён ударыў супрацоўніка АДАI РАУС, які знаходзіўся пры выкананні службовых абавязкаў.

Жыхар аг. Вяззе з выкарыстаннем забароненай прылады лоўлі здабыў на абводным канале р. Свіслач 108 асобін плоткі, карася і карпа. Шкода навакольнаму асяроддзю склала звыш 19 млн руб.

Заведзена справа па заявах трох жыхароў  вул. Патоцкага: у ноч на 12 лістапада з іх аўтамабіляў, што знаходзіліся каля шматпавярховага дома, хтосьці скраў маёмасць і грошы.

Ацэтыляваны опій масай у пераліку на сухі астатак 0,1098 г незаконна збыў у пад’ездзе дома па вул. 60 гадоў Кастрычніка раней судзімы непрацуючы.

ДАI

Прыцягнуты да адказнасці 77 парушальнікаў хуткаснага рэжыму, 19 пешаходаў, 5 нецвярозых вадзіцеляў. Папярэджана 171 парушэнне ПДР. Адбылося 9 ДТЗ.

Увага! Па 20 лістапада з мэтай кантролю за своечасовым праходжаннем тэхнічнага агляду транспартнымі сродкамі праводзіцца дэкада «Тэхагляд».

АУСТ

Складзена 65 адміністрацыйных пратаколаў, суправоджаны 191 цягнік, з якіх знята 14 правапарушальнікаў. Устаноўлена месцазнаходжанне асобы, што знаходзілася ў вышуку. Узбуджаны 2 крымінальныя справы па крадзяжах асабістай маёмасці.

Спецізалятар

Размешчаны для працверажэння 50 грамадзян, у тым ліку 9 жанчын, 2 іншагароднія і 12 сямейных скандалістаў.

РАНС

Раніцай 10 лістапада адбыўся пажар жылога дома па вул. Беларускай. Гаспадар загінуў.

З цяжкімі тэрмічнымі апёкамі шпіталізаваны ў рэанімацыйнае аддзяленне ЦРБ 42-гадовы жыхар райцэнтра, які 15 лістапада ў нецвярозым стане па неасцярожнасці нанёс сабе цялесныя пашкоджанні.