Беларуская чыгунка з 10 лістапада ўвяла забарону на курэнне, зрабіўшы чарговы крок у барацьбе з сацыяльным злом у грамадскіх месцах.

Цяпер зацягнуцца цыгарэтай на вакзалах можна толькі ў спецыяльна адведзеных месцах. Тыя, да каго гэта “не даходзіць”, рызыкуюць раскашэліцца на сур’ёзны штраф — да 720 тысяч рублёў (да 4 базавых велічынь). У якасці эксперыменту на 19 беларускіх вакзалах, уключаючы асі-повіцкі, абсталяваны месцы для курэння на адкрытым паветры. Дарэчы, накладзенае табу тычыцца і цягнікоў: атручваць паветра цяпер дазволена толькі ў вагонах паяздоў міжнародных зносін.