РАУС

У перыяд з 12 па 18 кастрычніка ўстаноўлена месцазнаходжанне пяці асоб, якія ўхіляліся ад выплаты доўгу, раскрыта 3 крадзяжы, зафіксавана 2 факты парушэння антыалкагольнага заканадаўства, канфіскавана 30 літраў самагоннай брагі і 0,5 — самагону.

РАСК

Узбуджана 8 крымінальных спраў, з іх 3 — у дачыненні раней судзімага 36-гадовага асіпаўчаніна.

15 кастрычніка неўстаноўленая асоба зняла 950 тысяч рублёў з карт-рахунку раней выкрадзенай банкаўскай карткі мясцовага жыхара.

20 хвілін хапіла злодзею, каб выкрасці бензапілу коштам 1.200.000 рублёў з аўтамабіля, які гаспадар пакінуў каля дома незачыненым.

ДАI

Папярэджана 237 фактаў парушэння правілаў дарожнага руху, да адказнасці прыцягнута 3 нецвярозыя вадзіцелі, 92 парушальнікі хуткаснага рэжыму, 19 пешаходаў. Адбылося 6 дарожна-транс-партных здарэнняў.

Увага! Па 30 кастрычніка працягваюцца мерапрыемствы па кантролі за практычным навучаннем ваджэнню “Вучэбны аўтамабіль”.

АУСТ

Складзена 96 адміністрацыйных пратаколаў, суправоджана 74 цягніка, з якіх знята 8 правапарушальнікаў. Устаноўлена месцазнаходжанне 2 асоб, што знаходзіліся ў вышуку. У спецізалятар дастаўлена 2 чалавекі.

РАНС

У ноч на 19 кастрычніка загарэўся хлеў па вул. Майстрэнкі. Агнём знішчаны 2 гаспадарчыя будынкі і маёмасць у іх. Удалося выратаваць дом, гараж і грузавы аўтамабіль. Пацярпелых няма.

Увага! З 20 кастрычні-ка па 20 лістапада праводзіцца рэспубліканская пажарна-прафілактычная акцыя “За бяспеку разам” — па папярэджанні пажараў і гібелі людзей ад іх.

Спецізалятар

Для працверажэння размешчана 50 чалавек, у тым ліку жанчына і іншагародні грамадзянін.

IАЖіРС

Узбуджана крымінальная справа за парушэнне правілаў лесакарыстання.