Асіповіцкі раён: Кітай гатовы дапамагчы
Апошняе пасяджэнне райвыканкама, якое прайшло ў пятніцу, пачалося з невялікай затрымкі, але гэта нікога не расчаравала. Чым жа быў заняты гэты час старшыня райвыканкама Пётр Шукаловіч?
Як аказалася, кіраўнік рэгіёна прымаў дэлегацыю з Кітайскай Народнай Рэспублікі. Прыбыла яна з добрымі намерамі-прапановай: у адпаведнасці з існуючай праграмай госці з далёкай Паднябеснай гатовы аказаць нам фінансавую дапамогу пры ўзвядзенні сацыяльнага жылля.
Натуральна, Пётр Яфімавіч прыязную для Асіповіччыны ініцыятыву з кітайскага боку адобрыў, і пасля ўдакладнення асобных момантаў сышліся на тым, што будаўніцтва такога 108-кватэрнага дома ў мікрараёне “Чарняхоўскі” распачнецца ў будучым годзе.
На здымках: у час перагавораў; пасля наведвання будучай будпляцоўкі дэлегацыя КНР знаёміцца з нашым новым мікрараёнам.
Фота Ніны ЦАРЫК.
