Моладзь — найважнейшы рэсурс развіцця краіны. Менавіта ад маладых грамадзян і іх выбару шмат у чым залежыць будучыня Беларусі.

Акрамя правядзення пікетаў і збору подпісаў, напярэдадні выбараў моладзь арганізоўвае адкрытыя дэбаты “Выбірай.by!”, што закліканы даць магчымасць маладым людзям заявіць пра сваю жыццёвую пазіцыю.

Мэта адкрытых дэбатаў — фарміраванне актыўнай грамадзянскай пазіцыі, актывізацыя ўдзелу маладых беларусаў у грамадскім жыцці, стварэнне ўмоў для самарэалізацыі моладзі, развіцця агульнакультурнага кругагляду, уменне весці дыскусію і іншае. Прыняць удзел у адкрытых дэбатах могуць асобныя прадстаўнікі і каманды вучнёўскай, студэнцкай, працоўнай моладзі, актыў БРСМ і лідары маладзёжных аб’яднанняў і г.д.

Асноўная тэматыка дыскусійных пытанняў на адкрытых дэбатах заключаецца ў самой назве праекта — “ВЫБIРАЙ.BY!”. Выбар моладзі — гэта стабільнасць і росквіт суверэннай Беларусі, асабісты ўдзел кожнага ў дынамічным развіцці краіны ў цэлым, жаданне і ўменне працаваць на карысць грамадства, рэалізацыя творчага і навуковага патэнцыялу, захаванне традыцый і памнажэнне культурнай спадчыны Беларусі.

Маладзёжны праект “Адкрытыя дэбаты “ВЫБIРАЙ.BY!” закліканы стаць адкрытай дыскусійнай пляцоўкай як для моладзі Беларусі, так і міжнароднай супольнасці. Пераможцы дэбатаў на кожным этапе становяцца ўдзельнікамі дэбатаў наступнага ўзроўню. Самыя актыўныя, яркія, крэатыўныя ўдзельнікі і каманды-пераможцы рэгіянальных этапаў дэбатаў прымуць удзел у агульнарэспубліканскіх адкрытых дэбатах.

Не забудзь паўдзельнічаць!