Знаёмцеся: Сяргей Рогаль
Знаёмцеся:
начальнік аддзела ўнутраных спраў на транспарце
Сяргей РОГАЛЬ
Нарадзіўся 2 верасня 1966 го-дзе ў пас. Ганчанскае Клічаўскага раёна. Падлеткам з сям’ёй пераехаў на Асіповіччыну, з якой і звязаны далейшы жыццёвы і працоўны шлях Сяргея Яўгенавіча. Скончыў СШ № 1, пасля вучобы ў Магілёўскім педінстытуце 4 гады працаваў настаўнікам фізкультуры ў Свіслацкай школе. У 1995 годзе прыйшоў у АУСТ інспектарам прафілактыкі аддзялення аховы правапарадку і прафілактыкі. Падчас службы завочна атрымаў адукацыю ў Акадэміі МУС. У 2002 годзе ўзначаліў міліцыю грамадскай бяспекі, з 2007 года быў першым намеснікам начальніка АУСТ. З красавіка часова выконваў абавязкі начальніка аддзела, а 19 чэрвеня прызначаны на пасаду кіраўніка.
Задач, якія зараз стаяць перад АУСТ, падпалкоўнік Рогаль выдзяляе некалькі. Галоўная — барацьба з правапарушэннямі і злачынствамі, забеспячэнне правоў і свабод, асабістай і маёмаснай бяспекі грамадзян, якія знаходзяцца на аб’ектах чыгуначнага транспарту, захаванасць грузаў. Асноўным фактарам эфектыўнасці работы лічыць далейшае ўзмацненне кадравага патэнцыялу, бо агульны поспех залежыць ад кожнага супрацоўніка.
Сяргей Яўгенавіч — шматразовы пераможца спартыўных спаборніцтваў раённага і абласнога маштабу, прыхільнік здаровага ладу жыцця. Вольны час таксама прысвячае фатаграфіі, чытанню сучаснай літаратуры і адпачынку разам з сям’ёй: сынам-гімназістам Аляксеем, дачкой-студэнткай Дар’яй і жонкай Ингай Аляксандраўнай, якая працуе намеснікам дырэктара па выхаваўчай рабоце ў Вяззеўскай сярэдняй школе.
