Асіповічы: хроніка здарэнняў

19 мая 2015 16:52

РАУС

У перыяд з 11 па 17 мая раскрыта 2 крадзяжы, спынены вышук 4 асоб, канфіскавана 0,5 літра самагонкі і 120 — брагі, выяўлены труп без бачных прыкмет гвалтоўнай смерці. Прапаў без вестак жыхар ст. Ясень, які з’ехаў у Расію. Праводзіцца праверка па факце крадзяжу 5 электрарухавікоў з памяшкання зернятоку СВК “Калгас імя Чарняхоўскага”.

РАСК

Узбуджана 19 крымінальных спраў, з якіх 2 — па фактах захоўвання і збыту асабліва небяспечных наркатычных рэчываў, 12 датычацца крадзяжу маёмасці, у тым ліку металічнага ланцуга з агароджы магілы на могілках паблізу в. Прудок,

У ноч на 12 мая двое невядомыя праніклі ў двор дома і выкралі сумку з 18 мільёнамі рублёў, ключамі і дакументамі.

Узбуджана 2 справы супраць раней судзімага 29-гадовага асіпаўчаніна, які без права кіравання транспартнымі сродкамі і ў стане алкагольнага ап’янення кіраваў матацыклам «IЖ».

16 мая на вул. Сумчанкі неўстаноўленыя пакуль асобы з хуліганскіх меркаванняў збілі навучэнца СШ № 1 і студэнта 1 курса БНТУ.

ДАI

Папярэджана 164 парушэнні правілаў дарожнага руху, прыцягнуты да адказнасці 70 ліхачоў і 2 нецвярозыя вадзіцелі, за знаходжанне на праезнай частцы ў цёмны час сутак без святлоадбіваючых элементаў адзення пакараны 7 пешаходаў. Адбылося 9 ДТЗ.

АУСТ

Складзена 79 адміністрацыйных пратаколаў, знойдзена асоба, якая знаходзілася ў вышуку, суправоджана 55 цягнікоў, з якіх знята 12 правапарушальнікаў, у спецізалятар дастаўлена 5 грамадзян, канфіскавана 200 літраў самагоннай брагі.

Увага! «Прамая лінія» з часова выконваючым абавязкі начальніка АУСТ Сяргеем Рогалем адбудзецца 21 мая з 10 да 12 гадзін (тэл. 6-22-93). Кругласутачная «гарачая лінія» — тэл. 22-1-07.