РАУС

У перыяд з 18 па 24 мая раскрыты крадзеж, зафіксавана 2 факты парушэння антыалкагольнага заканадаўства, канфіскавана 7 літраў самагонкі.

23 мая затрыманы мужчына, у якога зной-дзена 2 скруткі з рэчывам расліннага паходжання і прыстасаванне для курэння. Прызначана экспертыза.

У той жа дзень прадавец крамы паведаміў, што знаёмы з выгляду мужчына адкрыта выкраў бутэльку віна коштам 31.500 рублёў. Па падазрэнні затрыманы непрацуючы раней судзімы асіпаўчанін.

РАСК

Распачата 10 крымінальных спраў, 8 з якіх тычацца крадзяжу маёмасці.

18 мая з мехдвара ў в. Краснае з двух трактароў “Беларус”, што належаць АСВК “Калгас “Бярэзіна”, выкрадзена абсталяванне на суму звыш 30 млн рублёў.

Заведзена справа ў дачыненні непрацуючага раней судзімага гараджаніна, які 4 снежня каля кафэ “Транзіт” незаконна збыў 0,27 г асабліва небяспечнага псіхатропнага рэчыва.

ДАI

Папярэджаны 181 выпадак парушэння правілаў дарожнага руху, да адказнасці прыцягнута 5 нецвярозых вадзіцеляў, 87 — якія не прытрымліваліся хуткаснага рэжыму, 2 пешаходы без святлоадбіваючых элементаў на  вопратцы. Адбылося 9 ДТЗ.

Увага! Па 5 чэрвеня праводзіцца спецыяльнае комплекснае мерапрыемства “Увага — дзецI!”. Усе аўтамабілісты ў светлы час сутак абавязаны ехаць з уключаным блізкім святлом фар. Тых, хто гэта патрабаванне праігнаруе, будуць караць штрафам у памеры да 2 базавых велічынь.

АУСТ

Узбуджана 2 крымінальныя справы, складзена 99 адміністрацыйных пратаколаў, у спецізалятар дастаўлена 3 чалавекі. Суправоджана 66 цягнікоў, з якіх знята 13 правапарушальнікаў.

Спецізалятар

Размешчана для працверажэння 47 чалавек, у тым ліку 8 жанчын, 8 сямейных скандалістаў і 2 іншагароднія грамадзяніны.

IАЖіРС

Складзены пратаколы за забруджванне лесу бытавымі адходамі, стаянку механічнага транспартнага сродку ў прыбярэжнай паласе, па два — за незаконную рыбалку і гандаль у неналежным месцы.