РАУС

Выяўлена 5 трупаў, у іх ліку целы дзвюх жанчын, якія скончылі жыццё самагубствам, і грамадзяніна, што знаходзіўся ў вышуку. Канфіскавана 30 літраў самагоннай брагі.

5 мая ў п. Ялізава зафіксаваны факт рэалізацыі мяса птушкі расійскай вытворчасці на суму 9,3 млн рублёў без рэгістрацыі ў якасці індывідуальнага прадпрымальніка жыхаром г. Бабруйска.

Увага! Аддзяленне па грамадзянстве і міграцыі паведамляе, што з 12 па 15 мая праводзіцца спецыяльнае комплекснае мерапрыемства “Нелегал”, накіраванае на супрацьдзеянне незаконнай міграцыі.

РАСК

Узбуджана 15 крымінальных спраў, 10 з іх датычацца крадзяжу маёмасці, адна — парушэння ўстаноўленых абмежаванняў асобай, што знаходзілася пад прэвентыўным наглядам.

У в. Галынка з саду індывідуальнага прадпрымальніка непрацуючы мужчына выкраў 10 саджанцаў яблынь агульным коштам 800 тысяч рублёў.

ДАI

Папярэджана 128 парушэнняў правілаў дарожнага руху, да адказнасці прыцягнуты 4 нецвярозыя кіроўцы, 39 парушальнікаў хуткаснага рэжыму, 2 пешаходы. Адбылося 8 ДТЗ з матэрыяльным уронам.

6 мая на аўтадарозе паблізу в. Ясень мінчанка, кіруючы «Таётай», не выбрала бяспечную дыстанцыю і сутыкнулася з «УАЗам». Пасажыр легкавога аўто з цялеснымі пашкоджаннямі дастаўлены ў рэанімацыйнае аддзяленне ЦРБ.

Увага! Па 17 мая праводзіцца рэспубліканская прафілактычная акцыя “Мотарух — без парушэнняў!”

АУСТ

Складзена 84 адміністрацыйныя пратаколы, знойдзена дзве асобы, якія знаходзіліся ў вышуку, суправоджана 146 цягнікоў, з іх знята 20 правапарушальнікаў. У спецізалятар дастаўлена 2 чалавекі.

Увага! 15 мая пройдзе прафілактычная акцыя “Цягнік цвярозасці”.

Спецізалятар

Размешчана для працверажэння 35 чалавек, у іх ліку жанчына, 5 сямейных дэбашыраў, 4 асобы, якія на падпітку ўчынілі дробнае хуліганства.

IАЖіРС

Складзена 8 адміністрацыйных пратаколаў за незаконную рыбалку.