Знаёмцеся:

суддзя суда Асіповіцкага раёна Святлана СIВЕЦ

Нарадзілася ў г. Сянно на Віцебшчыне. Вучылася на юрыдычным факультэце Віцебскага дзяржаўнага ўніверсітэта імя П.М.Машэрава. Атрымаўшы дыплом вышэйшай навучальнай установы, працавала ў родным горадзе.

Суддзёй у наш раён прызначана Указам Прэзідэнта Рэспублікі Беларусь № 53 ад 11.02. 2015 г.

Галоўная складаемая поспеху ў судовай рабоце, на яе думку, — уменне слухаць, аналізаваць і прымаць узважаныя рашэнні. А вынясенне любога з іх — гэта рознабаковае ўсведамленне сітуацыі і вялікая адказнасць.

Святлана Пятроўна — чалавек, які імкнецца валодаць разнастайнай інфармацыяй, не толькі звязанай з юрыспрудэнцыяй, але і ў галіне культуры, мастацтва. Вольны час звычайна прысвячае чытанню перыядычных выданняў, інтэрнэт-навін, юрыдычнай і  мастацкай літаратуры. А цяпер і знаёмству з нашым райцэнтрам і яго адметнасцямі.