РАУС

У перыяд з 23 па 29 сакавіка раскрыта 3 крадзяжы, зафіксавана 10 фактаў парушэння антыалкагольнага заканадаўства і канфіскавана 1,5 літра самагонкі, 198 — брагі, 385 — спірту. У рэанімацыйнае аддзяленне ЦРБ пасля спробы суіцыду дастаўлены мужчына. Праводзіцца праверка па заяве загадчыка малочна-таварнай фермы аб выяўленай у ходзе інвентарызацыі нястачы 5 паўгадовых цёлак.

Падчас СКМ “Арсенал” землякі добраахвотна здалі 4 адзінкі зброі, 149 патронаў. Анулявана 3 дазволы на захоўванне і нашэнне паляўнічых стрэльбаў, выяўлены факт парушэння тэрмінаў перарэгістрацыі карабіна, канфіскавана стрэльба, 8 патронаў і 100 грамаў пораху.

Супрацоўнікамі АБЭЗ устаноўлены парушэнні працэдуры дзяржаўнай закупкі будаўнічых паслуг за кошт бюджэтных сродкаў на аб’екце ў вайсковай часці — прадухілена шкода інтарэсам дзяржавы на суму каля 9 млн рублёў. Таксама спагнана на карысць бабруйскай бударганізацыі больш за 111 млн рублёў, якія былі неабгрунтавана выплачаны на камандзіровачныя выдаткі работнікам, што працавалі на прадпрыемствах Асіповіч.

На вуліцах затрыманы 2 мужчыны ў таксікалагічным і наркатычным ап’яненні.

РАСК

Узбуджана 17 крымінальных спраў, з іх 11 — па крадзяжу маёмасці і 2 — у дачыненні асоб, якія захоўвалі і збывалі псіхатропныя рэчывы.

Распачаты справы ў дачыненні пары раней судзімых мужчын, якія ўвечары 21 сакавіка ў пад’ездзе дома па вул. Сумчанкі напалі і збілі дваіх грамадзян, і да 60-гадовага жыхара в. Лапічы, які ў стане алкагольнага ап’янення нанёс лёгкія цялесныя пашкоджанні сваёй сужыцельцы драўлянай швабрай.

Навучэнец Мар’інагорскага аграрна-тэхнічнага каледжа размясціў на сваёй старонцы ў сацыяльнай сетцы ролік парнаграфічнага зместу.

25 сакавіка заведзена справа супраць неўсталяванай асобы, якая з ліпеня па лістапад мінулага года незаконна здабыла 10 дзікоў і 2 аленяў — шкода навакольнаму асяроддзю склала 270 млн рублёў.

ДАI

Прыцягнуты да адказнасці 135 парушальнікаў хуткаснага рэжыму, 5 пешаходаў, нецвярозы кіроўца. Папярэджана 196 парушэнняў ПДР. Адбылося 1 ДТЗ.

Увага! Да канца красавіка праводзяцца мерапрыемствы па папярэджанні і прафілактыцы ДТЗ з удзелам мотатранспарту.

АУСТ

Складзена 62 адміністрацыйныя пратаколы, суправоджана 138 цягнікоў, з якіх знята 6 правапарушальнікаў. Устаноўлена месца знаходжання асобы, што знаходзілася ў вышуку. Канфіскавана 5 літраў самагону і 30 — брагі.

Увага! З 31 сакавіка па 4 красавіка праходзіць спецыяльная аперацыя “Прыгарадны цягнік”.

Спецізалятар

Размешчаны для працверажэння 41 грамадзянін, у тым ліку 4 жанчыны і 4 іншагароднія.

РАНС

24 сакавіка адбылося 2 пажары: у в. Паплавы пашкоджаны жылы дом, у в. Знаменка ў агні загінуў 57-гадовы мужчына.

За правядзенне сельгаспалаў і развядзенне вогнішчаў прыцягнута да адказнасці 4 чалавекі.

IАЖіРС

Складзена 9 пратаколаў за збор чарамшы, 2 — за парушэнне правілаў рыбалоўства.