Усё больш трывожная абстаноўка складваецца ў сувязі з узгараннем травы і кустоў: па стане на 19 сакавіка ў рэспубліцы зарэгістравана 1.884 пажары ў прыродных экасістэмах (у Магілёўскай вобласці — 183) — у 2,3 раза вышэй за мінулагодні паказчык. Прычына 99,5% выпадкаў — выпальванне травы і кустоў.

РАНС нагадвае: выпальванне сухой расліннасці, траў на корані, а таксама ржышча і пажніўных рэшткаў на палях або непрыняцце мер па ліквідацыі выпальванняў на зямельных участках цягнуць накладанне штрафу ў памеры ад 10 да 40 базавых велічынь.