На чарговай калегіі Дзяржаўнай інспекцыі аховы расліннага і жывёльнага свету пры Прэзідэнце Рэспублікі Беларусь, якая адбылася 3 сакавіка, падведзены вынікі творчага конкурсу на найлепшае асвятленне ў сродках масавай інфармацыі дзейнасці Дзяржінспекцыі. Прыемна, што ў ліку пераможцаў апынулася і рэдактар інтэрнет-рэсурса газеты “Асіповіцкі край” Марыя ТАЛЕЙКА. Матэрыялы маладога аўтара прызналі найлепшымі ў намінацыі “Лепшы карпункт”, што мае на ўвазе якаснае асвятленне работы абласных і міжраённых інспекцый рэгіянальнымі СМІ.