РАУС

У перыяд з 16 па 22 лютага спынены вышук 2 грамадзян, якія ўхіляліся ад выплаты запазычанасці, і 1 — у сувязі з вызначэннем месцазнаходжання, выяўлены труп без бачных прыкмет гвалтоўнай смерці, канфіскавана 60 літраў самагоннай брагі і 11 — гарэлкі без акцызных знакаў.

РАСК

Узбуджана 7 крымінальных спраў, з якіх 6 — па крадзяжах маёмасці.

Распачата справа ў дачыненні да непрацуючага 27-гадовага мужчыны, які з ужываннем дубліката ключа ў складзе сельгаспрадпрыемства завалодаў маёмасцю на суму больш за 6 млн руб.

З’явіўся з павіннай неаднаразова судзімы жыхар п. Татарка, які скраў са склепа аднавяскоўкі кансервы і гародніну.

20 лютага распачата справа супраць асіпаўчаніна, які 16 жніўня размясціў на сваёй старонцы ў сацыяльнай сетцы відэаролік парнаграфічнага зместу.

ДАI

Папярэджана 141 правапарушэнне дарожнага руху, прыцягнута да адказнасці 6 пешаходаў, што ў цёмны час сутак знаходзіліся на дарозе без святлоадбіваючых элементаў, 7 не-цвярозых вадзіцеляў, 39 — якія не прытрымліваліся хуткаснага рэжыму, 10 і 2 — за выкарыстанне летніх шын і адсутнасць дзіцячых аўтакрэслаў. Адбылося 7 ДТЗ.

Каля 23 гадзін 20 лютага ў в. Пратасевічы вадзіцель аўтамабіля «Рэно» наехаў на ляжачага на праезнай частцы мужчыну, які ў выніку ДТЗ памёр на месцы.

ДАI нагадвае: да канца лютага на тэрыторыі раёна праводзяцца прафі-лактычныя мерапрыемствы па стабілізацыі дарожнай абстаноўкі. За знаходжанне на неасветленым участку дарогі без САЭ прадугледжаны штраф ад 1 да 3 базавых велічынь, калі пешаход або веласіпедыст знаходзяцца ў стане алкагольнага ап’янення, сума штрафу ўзрастае да 5 БВ.

АУСТ

Складзена 111 адміністрацыйных пратаколаў, знойдзена асоба, якая знаходзілася ў вышуку, у спецізалятар дастаўлена 9 чалавек, суправоджана 54 цягнікі, з якіх зняты 21 правапарушальнік. Зафіксаваны факт рэалізацыі ў гандлёвай кропцы адзення без неабходных дакументаў — тавар на суму каля 49 млн рублёў канфіскаваны.

Увага! “Прамая лінія” па актуальных для грамадзян і юрыдычных асоб пытаннях з начальнікам АУСТ Уладзімірам Мамсікавым пройдзе 26 лютага з 10.00 да 12.00 гадзін па тэл. 6-25-46. Кругласутачна дзейнічае “гарачая лінія” па тэл. 22-1-07.

Спецізалятар

Размешчаны для працверажэння 41 грамадзянін, у іх ліку 7 жанчын.

РАНС

У выніку пажару, які ўзнік 18 лютага з-за парушэння правілаў эксплуатацыі пячнога ацяплення ў в. Ставішча, знішчана дашчаная прыбудова, дах і перакрыцце хлява, пашкоджаны сцены і дах суседняга гаспадарчага будынка.

IАЖіРС

Складзена 3 пратаколы за ажыццяўленне незаконнай рыбалкі.