РАУС

У перыяд з 9 па 15 лютага раскрыта 2 крадзяжы, у сувязі з усталяваннем месцазнаходжання спынены вышук без вестак зніклага, зафіксавана 8 фактаў парушэння антыалкагольнага заканадаўства і канфіскавана 3,5 літра самагону і 235 — брагі. Выяўлена 3 трупы без бачных прыкмет гвалтоўнай смерці, знойдзена цела жанчыны, якая скончыла жыццё самагубствам, у машыне хуткай дапамогі памёр мужчына, які таксама спрабаваў звесці рахункі з жыццём.

Увечары 13 лютага на вул. Сумчанкі з прыкметамі таксікалагічнага ап’янення затрыманы непрацуючы мужчына.

Праз два дні з вул. Iнтэрнацыянальнай у ЦРБ дастаўлены і шпіталізаваны з траўмамі вайсковец тэрміновай службы в/ч п. Мачулішчы — цялесныя пашкоджанні пацярпелы нанёс сабе сам.

РАСК

Узбуджана 8 крымінальных спраў, з якіх 5 датычацца крадзяжоў маёмасці.

10 лютага заведзена справа ў дачыненні невядомага, які ў Мінску збыў асабліва небяспечнае псіха-тропнае рэчыва непрацуючаму асіпаўчаніну.

Фігурантам яшчэ адной справы стаў 56-гадовы вартаўнік адной з устаноў горада, які з хуліганскіх меркаванняў нанёс удар у твар 19-гадовай навучэнцы каледжа.

Узбуджана справа па факце незаконнай здабычы дзікага лася на тэрыторыі Дараганаўскага лясніцтва паблізу в.Свіханава і нанясення шкоды ў памеры 54 млн рублёў.

ДАI

Папярэджана 149 парушэнняў правілаў дарожнага руху, прыцягнуты да адказнасці 57 ліхачоў, 2 нецвярозыя вадзіцелі, 15 — што выкарыстоўвалі зімой летнія шыны, 1 — які перавозіў дзіця без утрымліваючага прыстасавання. За знаходжанне на праезнай частцы ў цёмны час сутак без святлоадбіваючых элементаў пакараны 14 пешаходаў.

12 лютага ў в. Сялец у напрамку в. Краі вадзіцель аўтамабіля «Фольксваген» не ўлічыў умовы надвор’я, не абраў бяспечную хуткасць руху і здзейсніў наезд на аўтакраму райста. У выніку ДТЗ прадавец, якая знаходзілася ў кузаве-кунгу, атрымала цялесныя пашкоджанні і была шпіталізавана.

АУСТ

Складзена 84 адміністрацыйныя пратаколы, знойдзена 4 асобы, якія знаходзіліся ў вышуку, суправоджана 56 цягнікоў, з якіх знята 7 правапарушальнікаў. У спецізалятар дастаўлена 8 грамадзян. Узбуджана крымінальная справа па факце нанясення цяжкіх цялесных пашкоджанняў.

Спецізалятар

Размешчана для працверажэння 37 чалавек, у тым ліку 5 жанчын і столькі ж — іншагародніх.

IАЖіРС

Два адміністрацыйныя пратаколы складзены за парушэнне правіл лесакарыстання, па аднаму — за незаконнае паляванне і рыбалку.