Народная творчасць у надзейных руках
Удзел у штогадовай рэспубліканскай выставе сучаснага народнага мастацтва “Калядныя ўзоры” для метадыста-майстра раённага цэнтра народных рамёстваў і дэкаратыўна-прыкладнога мастацтва Вольгі Наудзюнас стаў знамянальным.
Журы высока ацаніла яе работы, выкананыя ў тэхніцы “вышыўка” і “ткацтва”, і прысудзіла ганаровае званне члена Саюза майстроў народнай творчасці краіны. Дарэчы, першым у нашым раёне ў гэтую творчую суполку быў уключаны Дзмітрый Паляшчук, крыху пазней — Аляксандра Рыбак.
Зараз Вольга кіруе студыяй па ткацтве, якую наведваюць дзеці ва ўзросце 10-11 гадоў. У будучым плануецца адкрыццё яшчэ адной групы для жадаючых навучыцца рамяству, якім калісьці добра валодалі нашы продкі.