РАУС

Раскрыты крадзеж, выяўлена месцазнаходжанне асобы, якая знаходзілася ў вышуку. Зафіксавана 5 фактаў парушэння антыалкагольнага заканадаўства. Знойдзена 2 трупы, у тым ліку 1,5-месячнага дзіцяці.

14 студзеня паблізу  в. Цяплухі затрыманы аўтамабіль “Пежо-Баксёр” пад кіраўніцтвам непрацуючага жыхара Міншчыны. Канфіскавана 2 дрэваапрацоўчыя станкі без суправаджальных дакументаў на суму 78 млн рублёў.

У нядзелю ў ЦРБ дастаўлены слесар аднаго з камунальных прадпрыемстваў. Цялесныя пашкоджанні пацярпеламу па неасцярожнасці былі нанесены каўшом трактара пры правядзенні рамонтных работ па аднаўленні водазабеспячэння.

РАСК

Распачата 6 крымінальных спраў. Так, 17 студзеня ўзбуджана 2 справы па крадзяжы прадуктаў харчавання: з павільёна райста на гарадскім рынку неўстаноўленай асобай выкрадзена  34 кг мяса. Вінаватыя ў другім крадзяжы вядомы: мужчына і жанчына з Лапіч, якія праніклі ў дом аднавяскоўца і скралі ежу.

Распачата справа і ў дачыненні жыхара в. Орча, які незаконна прадаставіў памяшканне свайго дома для вырабу і спажывання наркатычных сродкаў.

ДАI

Папярэджана 212 фактаў парушэння ПДР, да адказнасці прыцягнута 2 нецвярозыя вадзіцелі, 76 кіроўцаў, якія не прытрымліваліся хуткаснага рэжыму, 24 пешаходы без святлоадбіваючых элементаў на вопратцы. Адбылося 9 ДТЗ.

Увага! З 15 па 25 студзеня — прафілактыка ДТЗ з удзелам пешаходаў.

АУСТ

Узбуджана крымінальная справа па факце незаконнага абароту наркасродкаў, складзена 36 адміністрацыйных пратаколаў, знойдзена асоба, што знаходзілася ў вышуку. Суправоджана 56 цягнікоў, з якіх знята 7 правапарушальнікаў.

РАНС

18 студзеня адбылося ўзгаранне жылога дома ў в. Краі — знішчана маёмасць у адным з пакояў.