Канцэрт, прысвечаны 20-годдзю народнага ансамбля народнай песні “Дзівакі”, адбудзецца заўтра ў РЦК у 15 гадзін. Будзе цікавая праграма!

Гандлёвая кропка Асіповіцкага філіяла ААТ “Магілёўсаюздрук” у лістападзе з’явілася па вуліцы Чарняхоў-скага і адразу набыла значную папулярнасць сярод жыхароў мікрараёна. Найбольш запатрабаванае перыядычнае выданне тут — раённая газета.

Святочныя кірмашы пройдуць сёння і 30 снежня на плошчы Леніна ў райцэнтры. Сваю прадукцыю прадставяць землякам ААТ “Асіповіцкі хлебазавод”, “Рыбгас “Свіслач”, “Асіповіцкі доследны лясгас”, гандлёвыя сеткі раёна і індывідуальныя прадпрымальнікі.

На палеткі сельгаспрадпрыемстваў Асіповіччыны ўнесена 5.065 тон дзеючага рэчыва мінеральных удабрэнняў і 213 тысяч тон арганікі. З 2.380 запланаваных гектараў правапнавана 1.850.

330 хлопчыкаў і дзяўчынак будуць наведваць у час зімовых канікул школьныя аздараўленчыя лагеры. Дні іх работы — 29 і 30 снежня, 5, 6, 8, 9 студзеня.

Аглядавая камісія Дараганаўскага сельсавета абследавала, улічваючы паўторныя візіты, 700 домаўладанняў. У 67 сем’ях пражываюць дзеці да 14 гадоў. Асаблівая ўвага надавалася жыллю сацыяльна неабароненых землякоў. За сродкі ўпраўлення па працы, занятасці і сацабароне райвыканкама ў некалькіх дамах адрамантаваны дах, электраправодка, 2 печы, праведзены водаправод.

15.000 галаўных убораў выраблена сёлета на ТАА “Меліна-стыль”, якое знаходзіцца ў Татарцы. Пераважную большасць асартыменту складаюць капелюшы. Прадукцыю прадпрыемства можна ўбачыць у гандлёвых кропках многіх гарадоў Беларусі, уключаючы сталіцу. Найбольш жа цесна супрацоўнічае “Меліна-стыль” з бабруйскімі крамамі.