РАУС

У перыяд з 3 па 9 лістапада раскрыты крадзеж, спынены вышук асобы, якая ўхілялася ад выплаты штрафу, выяўлена два трупы без бачных прыкмет гвалтоўнай смерці, канфіскавана 3,5 літра самагону.

7 чысла ў рэанімацыйнае аддзяленне бальніцы з медыкаментозным атручэннем дастаўлена непаўналетняя. Як мяркуецца, неўстаноўленыя медпрэпараты яна прыняла з мэтай суіцыду.

Праз два дні ў ЦРБ, не прыходзячы ў прытомнасць, памёр 48-гадовы асіпаўчанін, якога напярэдадні даставілі з пранікальнымі колата-рэзанымі раненнямі. Устаноўлена, што цялесныя пашкоджанні пацярпеламу пасля сумеснага распіцця спіртных напояў нанесла суседка.

РАСК

Узбуджана 5 крымінальных спраў, у тым ліку па факце крадзяжу маёмасці з дачнага доміка ў в. Краснае на суму больш за 54 млн. рублёў.

ДАI

Папярэджана 177 правапарушэнняў дарожнага руху, прыцягнута да адказнасці 2 нецвярозыя вадзіцелі, 65 — якія не прытрымліваліся хуткаснага рэжыму, 26 пешаходаў, што ў цёмны час сутак знаходзіліся на праезнай частцы без святлоадбіваючых элементаў. Адбылося 6 ДТЗ.

6 лістапада ў 20.30 на 93 км шашы Мінск-Гомель мінчанін на аўтамабілі «Нісан-Альмера» здзейсніў наезд на пенсіянера-асіпаўчаніна, які ад атрыманых траўм памёр на месцы. У дачыненні вадзіцеля ўзбуджана крымінальная справа.

ДАI нагадвае: за знаходжанне на неасветленым участку дарогі без флікераў прадугледжаны штраф ад 1 да 3 базавых велічынь, у стане алкагольнага ап’янення сума штрафу ўзрастае да 5 БВ.

АУСТ

Узбуджана крымінальная справа па факце крадзяжу з цягніка, складзена 69 адміністрацыйных пратаколаў, суправоджана 133 цягнікі, з якіх знята 16 правапарушальнікаў. Устаноўлена месцазнаходжанне 4 асоб, якія знаходзіліся ў вышуку.

Спецізалятар

Размешчана для працверажэння 37 грамадзян, у тым ліку 4 жанчыны.

РАНС

4 лістапада ў выніку пажару знішчаны дах надворнай пабудовы ў в. Сталяры Свіслацкага сельсавета.

IАЖіРС

Складзена 2 пратаколы па фактах ажыццяўлення незаконнай рыбалкі і палявання, столькі ж — за парушэнне правілаў лесакарыстання.