– дзень утварэння — 5 кастрычніка 1965 года;

– калектыў — 40 міліцыянераў і 110 чалавек грамадзянскага персаналу, у тым ліку 74 жанчыны;

– пад аховай 197 аб’ектаў розных форм уласнасці, 629 — з асабістай маёмасцю грамадзян, 319 трывожных кнопак;

– у парку 9 патрульных аўтамабіляў;

– за суткі фіксуецца каля 10 выклікаў і 3-5 спрацоўванняў трывожнай кнопкі;

– за студзень-верасень затрымана 565 правапарушальнікаў і раскрыта 19 злачынстваў.

Слова начальніку аддзела Ігару Барысевічу:

— Лепшае пацвярджэнне эфектыўнасці нашай дзейнасці — штогадовае павелічэнне колькасці кліентаў і зніжэнне замахаў на маёмасць: калі яшчэ 10 гадоў таму рэгістравалася каля 20 пранікненняў у ахоўныя памяшканні, то ў мінулым годзе — 6, а ў бягучым — толькі 2.

За сухімі лічбамі штодзённая праца, ад якой залежаць спакой і мерны рытм жыцця горада. I, натуральна, нашы хлопцы, такія, як намеснік камандзіра ўзвода міліцыі Юрый Кніга, які, дарэчы, нядаўна з жонкай і дачкой прадстаўляў аддзел на абласным туры акцыі “Сям’я! Служым разам!”, чалавек-лідар і выдатны арганізатар міліцыянер узвода міліцыі Аляксандр Салата, знаўца ўсіх без выключэння дарог горада вадзіцель-міліцыянер групы затрымання Дзмітрый Мінчэня, камунікатыўны, тактоўны і заўсёды гатовы прыйсці на дапамогу паставы па ахове банкаўскіх устаноў Дзмітрый Бацюкоў, міліцыянер групы затрымання Кірыл Смірноў, чыя выдатная фізічная форма з’яўляецца прыкладам работы над сабой для нас усіх.

Служба супрацоўнікаў дэпартамента нялёгкая, таму членамі зладжанага калектыву могуць стаць і становяцца толькі людзі, якія маюць моцнае здароўе, высокія маральныя і дзелавыя якасці і, галоўнае — адчуваюць у сабе сілы і жаданне дапамагаць людзям, абараняць іх гонар і годнасць.

Напярэдадні свята жадаю ўсім не спыняцца на дасягнутым, моладзі — прафесійнага росту, паважаным ветэранам, пра якіх ніколі не забываемся, — здароўя і аптымізму, а каханым жонкам і дарагім матулям, якія хвалююцца за нас і заўсёды чакаюць, — разумення, цярпення і мудрасці.

Соф’я САВАЙТАН.