Субботнік у Асіповіцкім раёне: прыбралі разам!

11 кастрычніка больш за 13 тысяч землякоў з розных прадпрыемстваў і ўстаноў горада і раёна далучыліся да правядзення абласнога суботніка, галоўнай мэтай якога было добраўпарадкаванне і прывядзенне ў належны стан як замацаваных за арганізацыямі тэрыторый, так і райцэнтра і населеных пунктаў у цэлым, мемарыяльных комплексаў, месцаў баявой і воінскай славы, пахаванняў воінаў і партызан Вялікай Айчыннай вайны. Важнымі кропкамі добраўпарадкавання сталі асіповіцкія паркі — зараз якраз перыяд актыўнага лістападу.

Заробленыя на суботніку сродкі, а гэта каля 125 мільёнаў рублёў, будуць выкарыстаны на далейшае добраўпарадкаванне, капітальны рамонт аб’ектаў сацыяльнай сферы, будаўніцтва тэрапеўтычнага корпуса райбальніцы.