РАУС

У перыяд з 29 верасня па 5 кастрычніка выяўлена 2 факты парушэння антыалкагольнага заканадаўства.

5 кастрычніка з чэрапна-мазгавой траўмай у стане алкагольнага ап’янення дастаўлены і змешчаны ў рэанімацыйнае аддзяленне ЦРБ жыхар в.Карытнае. Са слоў сужыцелькі, цялесныя пашкоджанні пацярпелы прычыніў сабе сам пры падзенні з веласіпеда.

ДАI

Папярэджана 159 фактаў парушэння ПДР, да адказнасці прыцягнута 5 нецвярозых кіроўцаў, 41 парушальнік хуткаснага рэжыму, 9 пешаходаў. Адбылося 9 дарожна-транспартных здарэнняў.

4 кастрычніка 18-гадовы мінчанін на ст. Ясень без мэты крадзяжу неправамерна завалодаў Аўдзі А-4. Паездка ледзь не скончылася трагедыяй: вадзіцель не справіўся з кіраваннем, аўтамабіль вылецеў за дарожнае палатно і павіс на трасах агароджы. Маладога чалавека, вінаватага ў ДТЗ, выцягнулі з машыны брыгадай хуткай дапамогі за хвіліну да таго, як тая загарэлася. Узбуджана крымінальная справа.

Увага! У мэтах прафілактыкі і папярэджання дарожна-транспартных здарэнняў з удзелам найменш абароненых катэгорый удзельнікаў дарожнага руху (пешаходаў, веласіпедыстаў) з 6 да 19 кастрычніка праводзіцца рэспубліканская прафілактычная акцыя “Стань бачным у цемры!”

АУСТ

Складзена 57 адміністрацыйных пратаколаў, выяўлены 4 злачынцы, суправаджана 42 цягнікі.

Увага! З 10 па 12 кастрычніка праходзіць спецыяльная аперацыя “Прыгарадны цягнік”.

РАНС

Адразу два пажары адбыліся 2 кастрычніка. У выніку ў в. Дзераўцы агнём знішчаны веранда, дах жылога дома і пашкоджана маёмасць, а ў в. Пагарэлае згарэў дах хлява.

IАЖіРС

Складзена 3 пратаколы за самавольную парубку дрэў, столькі ж — за парушэнне правілаў лесакарыстання.